سيد جمال الدين افغاني پوهنتون د علمي شورا نوبتي ناسته وشوه
ياده کاري ناسته، چې د پوهنتون رييس په مشرۍ وشوه، د پوهنتون مرستیالانو، د پوهنځيو ريیسانو او استادانو په کې برخه لرله؛ د علمي او تدریسي چارو، د قراردادي استادانو تقرر، د علمي څېړنو او مجلې معاونيت عملياتي پلان او يو شمېر نورو موضوعاتو په اړه يې بحث او پرېکړې وکړې.
د پوهنتون رييس شيخ عبدالمالک محسن د پرانیستې وینا پر مهال په چارو کې پر اخلاص او له مراجعينو سره پر نېکې رویې ټينگار وکړ او همداراز يې مسؤلين خپلو دندو ته ځیر کړل.
په پای کې یاده ناسته پر دُعايه کلماتو سره پای ته ورسېده.
