پوهنتون رييس د کورنيو چارو وزارت له يو مسؤل سره وکتل
د سيد جمال الدين افغاني پوهنتون رييس د کورنيو چارو وزارت د ښوونې او روزنې لويې قومندانۍ له مرستيال او مل پلاوي سره په خپل کاري دفتر کې سره وکتل.
ياده کتنه کې چې د پوهنتون مرستيالانو او د پوهنځيو رييسانو هم برخه لرله، د پوهنتون رييس شيخ عبدالمالک محسن راغلو مېلمنو ته ښه راغلاست ووايه او د پوهنتون د هر اړخيز پرمختگ په برخه کې يې معلومات ورکړل.
کورنيو چارو وزارت د يادې قومندانۍ مرستيال؛ وزير رحمان رحماني په خپلو خبرو کې د پوهنتون په لاسته راړونو خوښي وښوده او د لا پرمختگ په برخه کې يې خپل وړانديزونه د پوهنتون له مشرتابه سره شريک کړل.
