د اداري او خدماتي کارکوونکو د اجراآتو کلنۍ ارزونه وشوه
سيد جمال الدين افغاني پوهنتون پوهنتون د مالي او اداري چارو معاونیت اړوند د کارکوونکو چارو آمریت، د کونړ ولایت مقام او د اداري اصلاحاتو او ملکي خدمتونو آمريت مسؤلینو د یو گډ پلاوي له لوري د دې پوهنتون له ۳ څخه تر ۸ رتبې بست پورې د نږدې ۶۰ تنو اداري او خدماتي کارمندانو کړنې وارزول شوې.
له يادې پروسې څخه د څارنې ترڅ کې د پوهنتون رييس شيخ عبدالمالک محسن د کارکوونکو د اجراآتو کلنۍ ارزونه اړینه وبلله او زياته يې کړه چې په دې سره په چارو کې خوځښت او نوښت رامنځته کېږي او کارکوونکي خپلو راتلونکو دندو ته متوجه کېږي.
د يادونې ده چې ټاکل شوي پلاوي د يادو کارکوونکو کلنۍ کړنې او راپورونه غوره وبلل او د کارونو د لا ښهوالي په پار يې هغوی ته لازمې سپارښتنې وکړې.
