د پوهنتون اداري کارکوونکو ته د عقودو قانون په هکله د پوهاوي درې ورځنی سېمينار پيل شو
دغه درې ورځنی سېمينار چې د سيد جمال الدين افغاني پوهنتون د مالي او اداري چارو معاونيت په نوښت داير شوی؛ د پوهنتون رهبري او اداري کارکوونکي په کې برخه لري. د سېمينار په لومړۍ ورځ د قرآن کريم د څو مبارکو آیاتونو تر تلاوت وروسته د پوهنتون رييس شيخ عبدالمالک محسن د عقودو په هکله د عالیقدر امیرالمؤمنین حفظه الله تعالی له لوري د نوي توشېح شوي قانون د بيان او تشرېح په اړه علمي بحث وړاندې کړ او په پای کې يې د گډونوالو پوښتنو ته ځوابونه ورکړل.
د يادونې ده چې د عقودو قانون د مشرتابه عالي مقام له لوري په(۱) مقدمه، (۲) بابونو، (۴) فصلونو او(۴۰) مادو کې توشېح شوی ؛ د عقدونو انواع، بيع السلم، بيع بالقسط، اجارې او استصناع په هکله په کې حکمونه صادر شوي دي.
