پوهنتون رئيس له مرستيالانو او د پوهنځيو رئيسانو سره مشورتي ناسته وکړه

د سيد جمال الدين افغاني پوهنتون رئيس الحاج مولوي عبدالواسع منصور له مرستيالانو او د پنځه‌گونو پوهنځيو رئيسانو سره مقدماتي او مشورتي ناسته وکړه. پيل کې د پوهنتون رئيس وويل: خوشحاله يم چې له تاسو په شريکه د پوهنتون ارتقاء او بهبود لپاره کار کوم، نو بايد هر مسؤل خپلو کارونو ته پوره پاملرنه وکړي، په اخلاص او صداقت سره يې مخکې يوسي او يو له بل سره پوره همکاري او ښه همغږي ولري. د پوهنتون مرستيالانو او د پوهنځيو رئيسانو په خپلو خبرو کې د پوهنتون رئيس ته ډاډ ورکړ چې د مشرتابه په مشوره او لارښوونه به خپلې چارې مخکې وړي او په امورو کې به يې پوره اطاعت کوي.

ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.