د پوهنتون رئيس له عمومي کتابتون څخه ليدنه او څارنه وکړه
د سيد جمال الدين افغاني پوهنتون رئيس الحاج مولوي عبدالواسع منصور؛ د مالي او اداري چارو مرستيال حافظ مولوي محمدعثمان سعيد په ملتيا د پوهنتون له عمومي کتابتون څخه ليدنه او څارنه وکړه. د يادې ليدنې په ترڅ کې د پوهنتون رئيس د کتابتون چارې له نږدې وليدې او کتابتون د مسؤل ستونزې او وړاندیزونه يې واورېدل. نوموړي د چارو د لا ښه تنظيم، نوښت او پرمختگ په پار د کتابتون عمومي مدير ته لازمې لارښوونې او سپارښتنې وکړې او ستونزو د حل ډاډ يې ورکړ.
