د روان سمستر نهايي ازموینې به د حمل مياشتې پر دويمه نېټه پيل شي، دا پرېکړه د لوړو زده کړو وزارت د ازموینو کړنلارې له مخې، د پوهنتون په رهبري شورا کې وشوه
ياده ناسته چې نن ورځ د پوهنتون ريیس پوهنمل محب الله محب په مشرۍ ترسره شوه په کې د علمي چارو مرستيال پوهندوی ميرويس ستانکزي، د محصلانو چارو مرستيال پوهنمل علي احمد بهار، د علمي څېړنو او مجلې مرستيال پوهندوی دوکتور سيد اصغر هاشمي، د مالي او اداري چارو مرستيال قاري رحمن الله صادق او د پوهنځيو ريیسانو گډون درلود، چې د روان سمستر ازموينو ته د چمتووالي او د نورو بېلابېلو موضوعاتو په اړه په کې بحث او پرېکړې وشوې.
د ناستې په پيل کې د پوهنتون رييس پوهنمل محب الله محب اړوند مسؤلينو ته سپارښتنه وکړه چې د اصولو او مقرراتو سره سم دې راتلونکې ازموینه واخلي او د دې پروسې دې جدي څارنه وکړي.
د بحث په ترڅ کې پرېکړه وشوه چې د روان سمستر نهايي ازموینې به ۱۴۴۵/۹/۱۱ هـ . ق مطابق ۱۴۰۳/۱/۲ هـ . ش نېټه پيل شي.
