د ښوونې او روزنې پوهنځي ۳۴۸ تنه محصلين فارغ او د ټولنې خدمت ته وړاندې کړل
د سيد جمال الدين افغاني پوهنتون له ښوونې او روزنې پوهنځي څخه د يوې لويې شاندارې غونډې په ترڅ کې ۳۴۸ تنه محصلين فارغ او د ټولنې خدمت ته وړاندې شول.
۹ مه، جمادی الاول، ۱۴۴۵ هـ . ق
په همدې موخه جوړه شوې غونډه کې د پوهنتون رييس پوهنمل محب الله محب، د پوهنتون علمي چارو مرستيال پوهندوی ميرويس ستانکزي، د مالي او اداري چاري مرستيال قاري رحمن الله صادق، د ښوونې او روزنې پوهنځي رييس پوهنيار خليل الله حنيف، د پوهنتون استادانو، اداري کارکوونکو، فارغېدونکو محصلينو او هغوی د کورنیو غړو برخه لرله.
غونډه د قرآن کريم د څو مبارکو آیاتونو پر تلاوت پیل شوه او ورپسې د ښوونې او روزنې پوهنځي رييس پرانیستونکې وینا وکړه او فارغېدونکو محصلينو او د هغوی کورنيو ته مبارکي وويله.
غونډې ته د پوهنتون رييس پوهنمل محب الله محب په خپله وینا کې فارغېدونکي محصلين مخاطب کړل، چې اوس تاسو د مسؤليتونو پړاو ته داخل شوئ، نو ټولنې ته د خدمت په برخه کې خپل مسؤليت په پوره ايماندارۍ او صداقت سره ادا کړئ.
نوموړي فارغانو او د هغوی کورنيو ته د مبارکۍ ترڅنګ، فارغېدونکي محصلين لا نورو لوړو زده کړو ته وهڅول.
ياده غونډه فارغانو ته د تصدیق پاڼو له وېش وروسته په دُعايه کلماتو سره پای ته ورسېده.
