پوهنتون د اداري شورا په ناسته کې د چارو په چټکتيا او کارونو کې پر اخلاص ټينگار وشو
ياده ناسته چې د سيد جمال الدين افغاني پوهنتون د مالي او اداري چارو مرستيال قاري رحمن الله صادق په مشرۍ تر سره شوه په کې د مالي او اداري معاونيت اړوند آمرينو، عمومي او اجراييه مديرانو برخه لرله.
په دې کاري ناسته کې په کارونو کې اخلاص او چټکتيا، د انټرنېټ سالمه کارونه، له مراجعينو سره نېکه رویه او نور بېلابېل موضوعات بحث شول.
د پوهنتون مالي او اداري مرستيال د يادو موضوعاتو په هکله اړوندو مسؤلینو ته لازمې سپارښتنې او لارښوونې وکړې.
غونډه د خير په دُعا سره پای ته ورسېده.
