پوهنتون د نشراتو عمومي کمېټې نوبتي ناسته وشوه
سيد جمال الدين افغاني پوهنتون د نشراتو عمومي کمېټې د علمي څېړنو او مجلو مرستيال پوهندوی دوکتور سيد اصغر هاشمي په مشرۍ خپله نوبتي ناسته وکړه، چې د کمېتې ټولو غړو په کې برخه لرله. په ياده کاري ناسته کې د زراعت پوهنځي يو تن استاد د علمي ترفېع په موخه د موضوع د ثبت پروپوزل مطرح شو، چې له يو لړ اصلاحاتو وروسته د تاييد وړ وگرځېد او همداراز پرېکړه وشوه چې د روان کال په هره ربعه کې دې د پوهنتون علمي کادر غړو ته د تالیف او ژباړې په برخه کې روزنيز ورکشاپ داير شي. د علمي څېړنو او مجلو مرستيال د کمېټې غړو ته لارښوونه وکړه، چې په اړوندو چارو کې له پوره دقت او ځيرتيا څخه کار واخلي او ياده ناسته چې د قرانکريم د څو مبارکو اياتونو پر تلاوت پیل شوې وه، په دُعايه کلماتو سره پای ته ورسېده.
