پوهنتون د یوې غونډې په ترڅ کې ممتاز محصلین وستایل

Abdullah Saeed
Sun, Oct 20 2024 2:30 PM
SJAU

سيد جمال الدين افغاني پوهنتون د بېلابېلو پوهنځیو هغه محصلین چې د تېر سمستر په ازموینو کې یې د لوړو نمرو په اخیستلو سره د پوهنتون په کچه د ممتاز محصل مقام خپل کړی ؤ، د یوې شاندارې غونډې په ترڅ کې وستایل شول.

په همدې مناسبت د ياد پوهنتون د محصلانو چارو معاونيت اړوند د محصلانو د خدمتونو او همغږۍ آمريت په نوښت او پوهنتون د نشراتو او فرهنگي چارو عمومي کمېټې په هلوځلو د پوهنتون د غونډو په تالار کې ستاینغونډه جوړه شوې وه، چې د پوهنتون مشرتابه پلاوي سربېره په کې د کونړ ولايتي ادارو مسؤلينو، د پوهنځیو رييسانو، استادانو، اداري کارکوونکو او محصلینو برخه لرله.

غونډې ته د سيد جمال الدين افغاني پوهنتون ريیس شیخ عبدالمالک محسن په خپلو خبرو کې تقوا، دوامدارې هڅې او مسلکي‌والی د برياليتوب او پرمختگ اساسي شرطونه ياد کړل او محصلينو ته يې د دې ستر وياړ له امله چې د پوهنتون د ممتازو محصلينو مقام يې خپل کړى، مبارکي وويله.

مراسمو ته د کونړ ولایت د علماوو شورا رييس شيخ عبدالقهار صديقي، د ولايت مقام د دفتر رييس مولوي محمد امين حقپرست، د ارشاد، حج او اوقافو رييس الحاج مولوي محمد رحيم مذهبي، د مخابراتو او معلوماتي ټکنالوژۍ رييس مولوي عبدالولي مارشال، کونړ ولايت استناف محکمې د عامه امنيت د دېوان مفتي شيخ رحمت الله په خپلو ويناوو کې محصلين وهڅول چې په راتلونکي کې تر دې ډېرې لاسته راوړنې او نوښتونه ولري او ياد مراسم ممتازو محصلینو ته د ستاينليکونو پر وېش او دُعايه کليماتو سره پای ته ورسېدل.

Latest news

Mon, Mar 24 2025 1:21 PM
Background image

پوهنتون کې د ځنگلونو، اوبو او هوا د پېژندنې او ارزښت په تړاو يو ورځنی علمي سېمينار داير شو

نن ورځ د سيد جمال الدين افغاني پوهنتون د غونډو په تالار کې د محصلانو چارو معاونيت تر چتر لاندې د محصلانو د خدمتونو او همغږۍ آمريت له لوري او د کرنې پوهنځي په همکارۍ د ځنگلونو، اوبو او. . .

Sat, Mar 15 2025 1:33 PM
Background image

پوهنتون کې د نیالگیو کښېنولو کمپاین پیل شو

یاد کمپاین چې سيد جمال الدين افغاني پوهنتون د مالي او اداري چارو معاونيت تر چتر لاندې د چاپېریال ساتنې عمومي کمېټې او خدماتو آمريت په گډو هڅو د نږدې(۶۰۰) نيالگيو په کښېنولو سره پیل شو،. . .

Wed, Mar 12 2025 3:30 PM
Background image

پوهنتون د مالي او اداري چارو مرستيال د ترميم پروژې له روانو چارو لیدنه او څارنه وکړه

سيد جمال الدين افغاني پوهنتون د مالي او اداري چارو مرستيال حافظ مولوي محمدعثمان سعيد؛ د تهيې، تدارکاتو او خدماتو آمر محمد موسی محمدي په ملتيا د يادې څارنې په ترڅ کې پوهنتون د غونډو. . .

BACK TO NEWS