په سيد جمال الدين افغاني پوهنتون کې د پایلو پر بنسټ پوهې او محصل محوره زده کړو د تدریسي تگلارو روزنيز ورکشاپ پیل شو
دغه ورکشاپ چې د پوهنتون مسلکي زدهکړو پرمختیايي مرکز په نوښت د(۱۰) لسو ورځو پر دوام جوړ شوی، د دې پوهنتون ۲۵ تنه استادان په کې برخه لري.
ياد ورکشاپ د سيد جمال الدين افغاني پوهنتون د رييس پوهنمل محب الله محب، د پوهنتون مالي او اداري چارو مرستيال قاري رحمن الله صادق، د مسلکي زدهکړو پرمختیايي مرکز آمر پوهنيار امان الله توتاخېل په حضور کې نن ورځ رسماً پيل شو.
ورکشاپ د پرانیستې پر مهال د پوهنتون رييس پوهنمل محب الله محب د پایلو پر بنسټ او محصل محوره زده کړو پر اړتیا او ارزښت خبرې وکړې او د دا ډول روزنيزو پروگرامونو جوړول يې گټور ياد کړل.
نوموړي د ورکشاپ له برخهوالو استادانو وغوښتل، چې په فعال گډون سره د ورکشاپ له ټولو مطالبو پوره گټه واخلي.
د یادونې ده، چې د ورکشاپ د روزنې چارې د پکتيکا لوړو زدهکړو مؤسسې استاد ماسټر ټرېنر پوهنمل حزب الله رحماني له لوري پر مخ وړل کېږي.
