پوهنتون ريیس د کونړ ولايت افغاني سرې مياشتې ټولنې له رييس سره وکتل
د سيد جمال الدين افغاني پوهنتون ريیس شيخ عبدالمالک محسن په داسې حال کې چې د پوهنتون مرستيالانو او د پوهنځيو رييسانو هم حضور درلود، کونړ ولايت د افغاني سرې مياشتې ټولنې له رييس او مل پلاوي سره په خپل کاري دفتر کې وکتل.
پیل کې د پوهنتون رييس په خپلو خبرو کې راغلي پلاوي ته ښه راغلاست ووایه او د هغوی له فعالیتونو څخه چې د اړمنو هېوادوالو د هوساينې لپاره يې ترسره کوي مننه وکړه او د پوهنتون له لوري يې د هر اړخيزې همکارۍ ډاډ ورکړ.
کونړ ولایت د افغاني سرې مياشتې ټولنې رییس حاجي شاه زلمي وويل چې د اړمنو لاسنيوي په برخه کې د خیرپالو هېوادوالو مرستو او ملاتړ ته اړتیا لري او همداراز يې د سرې مياشتې اعانې راټولولو په برخه کې له پوهنتون څخه د همکارۍ غوښتنه وکړه.
