د زراعت پوهنځي جديدالشمول محصلانو ته د ښه راغلاست او پوهنتون پېژندنې غونډه ترسره شوه

Abdullah Saeed
Thu, Sep 24 2026 12:56 PM
SJAU

سيد جمال الدين افغاني پوهنتون د زراعت پوهنځي نويو محصلانو ته د ښه راغلاست او د پوهنتون له چاپېريال سره د پېژندگلوۍ غونډه جوړه شوه، چې په کې د پوهنتون عمومي رئيس الحاج مولوي عبدالواسع منصور، علمي مرستيال استاد صلاح الدين ايوبي، د محصلانو مرستيال مفتي شېرافصل منصور، د ياد پوهنځي مسؤلينو، استادانو او محصلانو برخه اخيستې وه.

پیل کې د پوهنتون عمومي رئيس د يادې غونډې د اهمیت او موخې بیانولو ترڅنگ، نویو محصلانو ته هر اړخیزې لارښوونې او توصیې وکړې او زیاته یې کړه چې محصلین باید د لوړو زده‌کړو وزارت او په ټوله کې د نظام اصول په ځان تطبیق کړي. ورپسې د محصلانو مرستيال محصلينو ته په خطاب کې وویل، چې په درسونو کې پوره کوښښ وکړي او ځانونه په خپل مسلک کې د کمال درجې ته ورسوي.

د غونډې په ترڅ کې د زراعت پوهنځي رئيس پوهندوی محمدحسن محمدي د پوهنتون او پوهنځي تشکیلاتي جوړښت، پوهنتوني چاپېریال، د محصل مسؤلیتونو، نصاب، کرېديت لايحې، د ليليې لارښود، تاجیل، منفکۍ، نظم او دسپلين، ازموینو د ډولونو، کتابتون او نورو اړونډو موضوعاتو په اړه چمتو کړی پرېزنټېشن وړاندې کړ.

د یادونې وړ ده چې په سږ کال کانکور ازموینه کې د سيد جمال الدين افغاني پوهنتون پنځه‌گونو پوهنځیو ته شاوخوا ۱۲۰۰ تنو محصلینو لار موندلې ده.

Latest news

Sat, Oct 24 2026 2:22 PM
Background image

د افغانستان مالياتي نظام تر سرليک لاندې معلوماتي سيمينار وړاندې شو

ياد سیمينار چې د سيد جمال الدين افغاني پوهنتون د اقتصاد پوهنځي استادانو او محصلانو ته له ماليې وزارت څخه د راغلي پلاوي په همکارۍ وړاندې شو، د پوهنتون رهبرۍ، د کونړ مستوفيت استازو، د. . .

Tue, Oct 20 2026 2:41 PM
Background image

د کونړ محترم والي له سيد جمال الدين افغاني پوهنتون څخه د ليدنې پرمهال د پوهنتون په علمي شورا کې گډون او وينا وکړه

د کونړ محترم والي الحاج مولوي قدرت الله ابوحمزه له سيد جمال الدين افغاني پوهنتون څخه د ليدنې په ترڅ کې د ياد پوهنتون په علمي شورا کې گډون او وينا وکړه، چې د پوهنتون رهبرۍ او علمي شورا. . .

Thu, Oct 15 2026 12:05 PM
Background image

د پوهنتون عمومي رئیس له اداري او خدماتي کارکوونکو سره ناسته وکړه

د سيد جمال الدين افغاني پوهنتون عمومي رئيس الحاج مولوي عبدالواسع منصور د پوهنتون له اداري او خدماتي کارکوونکو سره ناسته وکړه. د پوهنتون عمومي رئیس په خپلو خبرو کې ياد کارکوونکي مخاطب. . .

BACK TO NEWS